Cu subsidio di Fundacion Lotto pa Deporte

Diaranzon mainta e seleccion nacional di futbol di Aruba a biaha pa nos hermana isla di Corsow unda nan lo ta participando na e Copa ABCS 2013. Den e ultimo edicion di e copa aki teni na Aruba nos seleccion nacional a sa na conkista e titulo di campeon. Federacion di futbol Arubano, AVB trece algun refuerso for di Hulanda pa asina stabilisa e seleccion mas aun. Bou guia di e entrenador nobo esta Giovanni Franken, Aruba lo defende su titulo.  AVB tin un vision pa Aruba su futbol y kier desaroya esaki den e mihor forma cu ta posibel, e futbol di Aruba mester por yega na un otro nivel cu e ta awor. Riba e ranking di FIFA, Aruba a subi considerabelmente e ultimo dos anjanan y awor ta trahando duro pa esaki progresa mas ainda. Comision di Subsidio y Fundacion Lotto pa Deporte ta desea e seleccion di Aruba y su staf tecnico tur clase di exito den e Copa ABCS na Corsow.