Reginald Martina ta gana komo number 1 den Overall Winners Brandweer Challenge
WILLEMSTAD – Kuerpo di Brandweer Kòrsou ta sumamente orguyoso despues ku wikènt ultimó, 3 koredor di Brandweer Kòrsou a kompetí na Brandweerloop na Aruba. E aktividat ku a tuma lugá djadumingu 01 di Oktober último a konta ku mas di 800 partisipante, den kual tabata konta ku 2 kategoria. Tabata tin kategoria di Overall Winners I tambe kategoria di Brandweer Challenge. Den e kategoria di Brandweer Challenge, mas di 70 bombero di rònt mundu a partisipá tantu den 5KM òf tambe riba 10KM. Di parti di Brandweer Kòrsou, 3 bombero a partisipá na e Brandweerloop I a kompetí ku tantu bomberonan I tambe partisipantenan general kual Brandweer Kòrsou a sa di bai ku variós premio.
Overall Brandweer Challenge 1st place 10 KM: Reginald Martina jr.
Ganador Kategoria 30 – 39 aña pa 10KM: Reginald Martina jr.
Kategoria 25-29 aña, 2nd place 10KM: Jeritsandro Martien
Kategoria 25-29 aña, Overall Winners 10KM: Jeritsandro Martien
Kategoria 30 – 39 aña pa 10KM: Gwensly Thode
Pues Brandweer Kòrsou a barí den premio i trofeonan na Aruba, i e kuerpo ta sumamente kontentu ku e logro di e tres atletanan aki ku a representá e kuerpo. Danki enorme tambe ta bai na Korant Extra I tambe Curacao Ports Services I Gomez Enterprises ku a kere den e bomberonan aki I a hasi nan partisipashon na Brandweerloop Aruba posibel.