Willemstad – Novèmber – Starbucks bo sitio preferí pa relahá, sosialisá i disfrutá situá na Renaissance Mall ta yama bon bini na  e temporada navideño ofresiendo pa un tempu limitá sabornan nobo i artíkulonan i produktonan di e marka mundialmente renombrá Starbucks® “Fin di aña ta aserkando, nos a dekorá nos establesimentu pa tur esnan ku bishitá nos kuminsá sinti e ambiente di Pasku i Fin di Aña, esaki naturalmente ta bai kompañá ku e sabornan di kòfi netamente i eksklusivamente pa e temporada”, esaki di akuerdo ku representante di Stabucks Curaçao. For di e siman aki Starbucks lo kuminsá ku su selebrashon di fin di aña. Komo parti di e ofertanan spesial pa selebrá e temporada, Starbucks lo agregá un lista di kosnan di bebe nobo riba nan menú manera; Toffinut latte, Toffinut  frappuccino, Dark Cherry Moca latte i Dark Cherry Moca frappuccino. Pa esnan ku ta deseá di hasi un kariño pa fin di aña Starbucks lo tin un kolekshon spesial di regalo e.o e famoso kòpinan ku diseño navideño i hopi mas. Ademas di esaki Starbucks ta ofresé coffee bag di e delisioso Christmas Blend (sabor di Pasku) na un preis faborabel. Tambe lo tin promoshonnan semanal kuminsando for di e siman aki te ku 22 di Desèmber.  Durante di e temporada festivo Starbucks lo selebrá su di dos aniversario ku un tremendo Cheer Party riba djadumingu 8 di Desèmber for di 6’or di atardi pa 8’or di anochi. E fin di aña aki, Starbucks ta wardabo un biaha mas pa selebrá dianan navideño den un ambiente diferente. Keda pendiente pa e promoshonnan semanal. Riba fotonan athuntu por haña un impreshon di e dekorashonnan, artíkulonan i e baristanan di Starbucks ku ta kompletamente den ambiente di fin di aña.