Speedfiniti Magazine ta un revista nobo ku ta bai trata di tur lokual tin di haber ku motor i speed. Boto, outo, avion, Seadoo, drone, etc., ta optenibel den e Magazine nobo Speedfiniti. Nos promé edishon a sali djasabra 9 di sèptèmber i pa selebrá esaki nos a organisá un evento ku tabata den forma di un Car & Bike show. Mayoria di e outo, bròmer i drone nan ku lo ta den e promé 2 edishonnan tabata presente na nos show. Nos tabata tin outonan di kaya, drag, drift, dragsters i outonan eksótiko manera BMW, Mercedes Benz, Corvette, Lexus i Altezza. Tambe nos a presentá Bròmer nan di kaya i drag, racing drone club, RC cars. Nos spònsernan tambe tabata tei presente pa ofresé nan produkto i servisionan na e públiko ku a akudí na e show.

Speedfiniti Magazine ta un revista ku lo bai tin informashon di eventonan den futuro pero tambe eventonan ku a pasa tantu lokal komo internashonal. Entrevista ku koredónan di drag, team nan di outo di kaya, doñonan ku outo modifiká, bròmer di kaya, Harley Davidson, entrevista ku spònsernan, mekániko, Car detailers, spuitdo di outo i patrosinadònan di evento lokal i internashonal. Speed lo sali kada 2 luna ku lo ta un total di 6 biaha pa aña. E promé edishon tin 32 página yena ku informashonnan di Kòrsou, Aruba, Hulanda, Merka i Puerto Rico. Den nos di 2 edishon nos lo tin Bonaire tambe. Speed lo ta optenibel na Kuzeta, Beep Beep Rio i algun sitio mas ku lo ta pendiente. Na Aruba lo e wòrdu bendí na Mindo Tire Shop i na Hulanda na Power Wheels Amsterdam.

Pa mas informashon por bai riba nos página di Facebook: SpeedFiniti Magazine, Instagram: Speedfinitimagazine. Nos emailadres ta Speedfinitimagazine@gmail.com. Òf na numbernan di telefon 687 6015 / 679 7927. Preis di Speedfiniti Magazine ta fl. 10. Riba foto di robes Signiel Streden, Rinaisa Eugenio (Madrina) Geraldine Lai, Oswaldo Marchena jr. (padrinu)