WILLEMSTAD:  Resientemente Digicel i Sindikato Transporte Uni (STU) a yega na un akuerdo masha atraktivo pa shofùrnan di bùs i nan klientenan. Ta e intenshon máksimo pa Digicel kontribuí na halsa e kalidat di transporte públiko na Kòrsou. Manera ta konosí gran parti di nos komunidat ta dependé di bùs chikí pa yega nan boka di trabou. Awe na 2017, tin mas o ménos 400 bùs chikí ta trafiká tur dia. Ta ideal si e ratu ku e kliente ta pasa den bùs, ta unu plasentero. Esei mes ta hasi ku Digicel i shofùrnan di bùs STU a yega na otro pa ofresé WiFi den bùs; e hòtspòt lo duna klientenan den bùs akseso na Facebook i Whatsapp grátis.

Digicel a diseñá un plan spesial pa e shofùr di bùs STU di manera ku e tambe por disfrutá di un plan postpago benefisioso ku tarifanan masha kumbiniente i un kuota di data generoso. E shofùr por hasta disidí si ta inkluí un telefon den su plan. Tambe, shofùrnan di bùs STU por disfrutá di yamadanan ilimitá pa Aruba, Boneiru, St. Maarten i naturalmente aki na kas, Kòrsou. Durante di bo próksimo kareda den bùs, puntra pa e WiFi grátis di Digicel!

Riba foto athuntu por mira d.r.p.d sr. James Herlihy direktor di benta di Digicel, sr. Andres Everitz Presidente di STU huntu ku miembronan di direktiva, sr. Maximo Weyman, sr. Byron Pietersz, sr. Luis James, sr. Falry Wawoe i sr. Jorge Quartas, gerente di merkadeo interino pa Digicel Kòrsou. Pa mas informashon bishitá e página di Facebook di Digicel www.facebook.com/DigicelCuracao òf www.digicelcuracao.com