#DraiKuNos i partisipá for di 22 pa 26 di ougùstùs

WILLEMSTAD:  E kampaña ‘Rollover’ di Digicel ta kontinuá; manera tur hende sá, resientemente Digicel a impaktá mundu di telekomunikashon introdusiendo posibilidatnan pa e kliente roll-over nan data i minütnan di yamada. Despues di un introdukshon i algun evento masha eksitoso bou di e lema #DraiKuNos, awor ta klá pa pone Kòrsou den moveshon ku e Digicel Scavenger Hunt ku lo tuma lugá for di dia 22 di ougùstùs te ku dia 26 di ougùstùs próksimo.

Tur hende riba 12 aña por partisipá; e partisipante lo mester kompletá algun tarea pa gana premionan masha atraktivo. Por gana e.o 6 SnapChat Spectacles, un brel ku dinámika spesialmente pa SnapChat. Digicel ta promé pa lansa esaki na Kòrsou. Jorge Cuartas, Interim Marketing Manager pa Digicel Kòrsou ta komentá di masha orguyoso di por introdusí e SnapChat Spectacles na Kòrsou “Rònt mundu e brelnan aki ta hasiendo furor. Na momentu ku bistié tur loke ku e persona mira rònt di dje òf eksperensia ta pasa mesora riba SnapChat.” Ademas di e SnapChat Spectacles, tambe por gana 2 SamSung J7, 2 SamSung J2 i 20 Quick Pick Bundle di 7 dia di Digicel. Na tur, lo tin 30 ganador den e Digicel Scavenger Hunt.

Vários dealer i skol sekundario ta partisipando i kolaborando den e scavenger hunt mahestuoso aki. Tur dia e tim di promoshon di Digicel lo ta repartiendo e karchi di partisipashon na diferente skol. Por buska e karchinan na Digicel tambe, tantu na Biesheuvel i Brionplein, na e 7 dealernan partisipante i na studionan di RocKòrsou FM na Otrobanda. “Tantu e skolnan ku nos a aserká komo e rebendedónan di Digicel ta hopi entusiasmá ku e kampaña aki”, asina Jorge Cuartas a sigui bisa. Primeramente e promo team lo bishitá entre otro Scholengemeenschap Otrobanda Jacques Ferrandi i MIL, siguiente dia lo bishitá entre otro Scholengemeenschap Parera i asina kada dia un otro skol. Lo duna splikashon i parti e karchinan. TUMA NOTA: E karchi di partisipashon ta masha importante. Mester yena e karchi ku tur informashon di kontakto i un sédula bálido. Ora ku e karchi yena, semper por pidi un mas i kontinuá ku bo partisipashon. Ora di yena e karchi ya e partisipante a kolektá 15 punto. Kada promé tarea ta bal 25 punto, e di dos tarea 30 punto i kada post riba social media ku e hashtag #DraiKuNos ta duna e partisipante 50 punto.

Ora kompletá e tareanan, saka un potrèt di Abo i e resultado di bo tarea, pone esaki riba Facebook, Instagram òf SnapChat usando #draikunos- pa punto adishonal. Screenshot esaki i mand’é pa e tim di Digicel via WhatsApp na 6918281. Na e sitio ku bo a kumpli ku bo tarea, pidi bo sticker ku firma. Finalmente, entregá bo karchi na Digicel Megastore, Digicel Brionplein òf serka un di e otro puntonan di partisipashon.

Tur dia lo pasa e tepnan via di RocKòrsou 88.3, i lo pone nan riba Digicel su social media (SnapChat, Instagram, Facebook) òf haña sá dor di manda un SMS ku e teksto #clue na number 3444. E tep, lo splika presis kiko tin ku hasi pa kumpli ku e tarea i gana! Bo ta klá pa partisipá? Pa mas informashon bishitá e página di Facebook di Digicel www.facebook.com/DigicelCuracao,  SnapChat òf Instagram di Digicel Curacao.