Tur preparashon ta hasí i grandi i chikí ta sperando ansioso riba yegada di e amigu di un i tur, esta Sanikolas. Fundashon Pa Nos Muchanan ta masha kontentu kon e aña aki tambe huntu ku Gobièrnu di Kòrsou, amigu komersiantenan a yuda prepará e fiesta grandi aki. Pesei nos mester yama danki i gradisí nan di kurason pa nan aporte. Hucor ku su restorantnan KFC, Pizza Hut i Subway, MCB i Lito, Tele Curacao, KTK/CPA, Curoil, PSB bank, Punto Mio, Auto City, CPS,  Margil Party Rentals, Fraal Import & Export, Hotel Howard Johnson, Selikor , WTC i The trader, PWC, Diamonds, Insel Air, Licores Maduro ku su awa Spa, Lovers i tambe kuerpo polisial. E programa di e aña aki ta lo siguente. For di 8or Angelitos ta habri e mainta riba Plasa Brion ku Himno di Kὸrsou siguí pa algun kantika masha dushi mes. Explotion dancers lo sigui ku algun baile. Entre tantu e barku di Sanikolas ta drenta haf kuartu pasa di 8 i lo mara mitar di 9 na Matheywerf. Den un parada Sanikolas  i tur su 50 pietnan lo subi Plasa Brion pa 9or enpunto. Aki e fiesta grandi lo kuminsá i lo sigui te mitar di 11. Mitar di 11 Sanikolas ta kuminsá despedí  i  11or nan lo krusa brug pa bai direkshon di Punda den un parada. Na altura di De Tempel, Sanikolas i su pietnan lo drenta nan vehikulonan pa bai KFC Sta. Maria. Na KFC sta Maria algun pietjes lo ta parti paden pa saka potrèt ku tur mucha ku ke hasi esaki i parti pafό lo tin un fiesta grandi ku Sanikolas i tur su Pietnan. E fiesta aki ta kuminsá 12or di mèrdia. Despues di e bishitá na KFC Sanikolas lo bai hasi un bishita na SGR groep/Pasadia na Emmastad. E fiesta aki ta spesialmente pa tur e muchanan di Pasadia. E bishita aki lo ta di 2or pa 3.15. E bishita lo sigui e ora ei pa Tele Curacao. Aki tur mucha por disfrutá na kas, huntu ku Tante Scarlet i Tio Ruckley di The Jolly Zone, di un show tur afό di Sanikolas i e Pietnan. E bishita di Sanikolas i su Pietnan na Tele Curacao ta di mitar di 4 pa 5or di atardi. Djei Sanikolas lo bai WTC i riba e lugá di parker ariba, Brasbènt lo toka i pietjenan lo balia i hasi kenshi un tiki promé ku nan bai sosegá. Fundashon Pa Nos Muchanan huntu ku BC-pro, DCAT, Organisshon Redisan, 4 Kids i The New Vibe Brassband a traha hopi duru pa trese un fiesta dushi i bon organisá pa grandi i chikí por disfrutá di dje. Kὸrda bin Plasa Brion trempan pa bo tambe haña un luga pa sintá riba e hopi tribunanan ku lo bai tin. I si desues di e dia di Yegada bo ke pa Sanikolas bin hasi un fiesta pa bo, por tuma kontakto ku Angelo na 510-5711, Gregory na 6664848 ὸf Pito na 6910259.