WILLEMSTAD- AUG 2017: Miéntras ku muchanan ta den periodo di fakansi, ya kaba e pensamentu di tur mayor ta riba e trayekto di bai skol bèk i e gastunan ku ta bin ku esaki. Banco di Caribe su kampaña ‘Back to School’ ta ideal pa tur persona ku tin mester di ekstra espasio finansiero pa por kumpli ku gastunan di estudio i material pa skol.

E kampaña ‘Back to School’ di Banco di Caribe ta kubri tur aspekto relashoná ku skol pa e yu òf estudio pa e mayor. Tin kondishonnan spesial i masha interesante pa tur mayor ku tin mester di un alivio. Ademas, lo risibí interes atraktivo i kontesta den 2 dia di trabou. Tur persona ku un fiansa aprobá lo risibí un bale di 25 florin komo opsekio pa kumpra material pa skol. E kampaña ta bálido te 31 di ougùstùs 2017.

Pa hasi kalkulashon di e fiansa mester trese e último 2 slepnan di salario, deklarashon di doño di trabou (no mas bieu ku dos siman) i identifikashon bálido. Den kaso ku no ta kliente di Banco di Caribe ainda mester trese e dos último estadonan di kuenta tambe. Pa mas informashon tokante término i kondishon di e kampaña ‘Back to School’ por bishitá www.bancodicaribe.com òf yama Banco di Caribe na telefon 432 3200. Abo ta invertí, Banco di Caribe ta finansiá!