WILLEMSTAD  – Direktiva di AMAK a komprondé ku tin algun grupo di músiko estranhero ku ta aktuando na diferente sitio aki na Kòrsou.

Den e kaso aki direktiva a manda un karta pa Minister di Hustisia ku urgensia pa laga investigá si e músikonan enkuestion ta legalmente na Kòrsou si òf no i den kaso ku nan ta legal, ta  kua ta e instansia ku a permití e músikonan aki drenta sin tuma konseho di AMAK. Situashon den farándula na Kòrsou ya kaba ta pasando den tempunan difísil i  e oportunidatnan ku tin den farándula mester keda reserva pa nos músikonan lokal.

Direktiva di AMAK ta konvensí ku e aktual Minister di Hustisia sigur lo duna atenshon na e situashon inkorekto aki, na bienestar di nos músikonan lokal.

Atentamente

Direktiva di AMAK