Konsientisándo i motivándo hóbennan pa por ta 100% sigur den tur lokual ku nan ta hasi!

En konekshon ku e último proyekto “Keep it 100 and shine”, ku tabata un éksito rotundo, nan ke sigui kolaborá ku nos komunidat den forma di formashon di nos hóbennan. “Keep it 100 and shine part 2”  ta nòmber di e siguiente proyekto. Kaminda nos lo bai lansa un kampaña bou di nos hóbennan pa enkurashá nan pa ta sigur di nan mes i pa no tin bèrgwensa di nan aspekto físiko. Nos meta prinsipal ta pa konsientisá hóbennan i motivá nan pa por ta 100% sigur den tur lokual ku nan ta hasi i pa ku tur desishon ku nan mester tuma den e mundu moderno aki.

Pues nos kier a regalá un biaha mas 100 hóben di Kòrsou un chèns pa desaroyá nan mes i ta un mihó persona den nos komunidat. Nos lo brinda un dia kompletu di workshop na un manera interaktivo i kreativo kaminda personanan kapasitá lo guia nan i informá nan riba diferente tópiko manera :

• Seksualidat
• Etiketa
• Higiena personal
• Nutrishon
• Kurso di makiyahe
• Public speaking
• Bestuario
• Kon pa uza medionan sosial
• Modelá
• Pose pa saka potrèt
• Kon kuida bo imágen propio

Despues di e workshop aki ta keda na kada un di e 100 hóbennan aki pa bai krea un ‘Hashtag’ riba retnan sosial entre otro Facebook, Snapchat i Instagram kaminda nan ta mustra kon nan por “keep it 100” ku nan mes sin tin ku  pèrdè e persona ku nan ta realmente, P.e. un potrèt sin make-up, un potrèt bistiendo nèchi pero desente etc. Na final di e kampaña nos lo saka un ganadó ku lo gana un montante pa hasi kompras di produktonan di skol i ku lo risibí diferente premio atraktivo mas.