Lo tin atrakshon pa henter Famia

Willemstad- Roosevelt Center selebrando su di 35 aniversario lo tin un fiesta grandi djasabra awor ku tei paralisá Rooseveltweg. E aña aki ta kumpli 35 aña ku pueblo di Kòrsou tradishonalmente ta skohe pa kumpra nan palu di Pasku i nan vürwèrk serka Eamed Ayubi ku ya no tei mas, pero su alegria i servisio personal semper na su klientenan ta keda komo e base pa éksito  di e empresa ku awor a konosé un kara nobo ku mas negoshi aden. Yu muhé di Eaymed Ayubi, sra. Jouhaina Ayubi kende a keda enkargá ku e empresa aki mes semper tei pa duna e servisio personal amabel na klientenan i ela prepará un evento grandi huntu ku su patrosinadornan Polar, Limonada Solo, Budweiser, Aqua, Baki World Mas 99 Miles i Heroudini Fireworks pa pueblo di Kòrsou. Pa e evento aki a uni ku mas komersiante ku tambe lo ta habri pa e okashon aki manera: Holiday Ocassions, Kids Paradise, Mommies Angels, Balani’s, Beyond Fashion, Big Star, Chuki Dance & body Shape, Come & Buy, Savanah Auto Center, Alivio Vuurwerk, Koko Loko, Sumaya Fashion, Omni i tambe flow i huntu tur a duna nan aporte na e selebrashon i mester bisa ku tur e negoshinan aki tambe ta habrí e dia aki for di 9 or di mainta te ku 9 or di anochi pa asina ofisialmente yama bon bini tambe na e selebrashonnan di fin di aña. Riba e dia aki lo tin hopi kos pa nos muchanan manera entre otro presentashon di  Dora i su amigunan, Sanikolas huntu ku su Pietnan i tambe Papa Pasku lo tei, Cirko Mágiko, lo tin bouncer i pa e grandinan lo tin presentashon di Gio Fuertisimo, Work shop di Zumba,  stent di kuminda i oportunidat pa kumpra souvenir nan di Coco Balentien. Pa klousura anochi lo tin un shou grandi di Vürwèrk hopi rabiá presentá pa Roosevelt Center Vuurwèrk i kordiná pa Heroudini Fireworks. Pueblo di Kòrsou ta keda invitá pa bin selebrá 35 aña di Roosevelt Center, gosa di un dia dushi ku hopi ambiente i aktividat pa famia i tambe hasi bo kompranan pa fin di aña. Riba e dia aki lo lansa e kampaña kaminda bo por gana un KIA Rio 2014