Kambia bo tarheta pa un nobo

WILLEMSTAD:  Banco di Caribe ta introdusí su Credit Card i su MultiCard ku chep. Ámbos tarheta awor ta kontené un chep ku ta brinda e kliente èkstra seguridat ora ku ta us’é na un mashin di pago òf ATM. E tarhetanan nobo a keda ku e usual strep magnétiko na e parti patras  i awor tin e teknologia di EMV chep tambe p’asina sigurá ku por usa esaki rònt mundu.

Kambia bo tarheta di krédito pa unu ku chep:

Ta  importante pa pasa buska bo tarheta ku chep. Banco di Caribe ta pidi tur kliente ku un tarheta di krédito di Banco di Caribe pa pasa entre 19 di yüni i 11 di ougùstùs 2017 na nos branch di Saliña pa tuma nan tarheta nobo. Pa esaki mester presentá un identifikashon bálido i e tarheta di krédito sin chep. Por tuma kontakto ku Banco di Caribe na 432 3200 pa indiká na kua branch ta deseá di tuma e tarheta ku chep nobo.  E tarheta di krédito nobo ta mantené e pin bieu. Den kaso ku ta deseá pa kambia e pin pa unu nobo, por hasi esaki na tur ATM di Banco di Caribe. Personanan ku ta deseá na apliká pa un tarheta di krédito pa promé biaha, tambe por pasa na un di nos branchnan pa hasi esaki. Kuminsando di 19 di yüni te 30 di yüni, Banco di Caribe lo ekstendé e orario di su branch na Saliña te 6.30 pm eksklusivamente pa duna servisio di kambio di tarheta di krédito.

Gana $500,-

Pasa riba djasabra dia 24 di yüni of 1 di yüli na branch Saliña di 9’or di mainta pa 2’or di atardi pa tuma bo tarheta di krédito ku chep, i partisipá den un rifa pa gana $500 riba e tarheta di krédito nobo. * Bishitá nos wèpsait pa término i kondishonnan ku ta aplikabel.

Kambia bo MultiCard pa unu ku chep

Banco di Caribe ta invitá tur kliente ku tin un MultiCard bálido, pa pasa na un di nos branchnan durante ora di trabou pa yena e formulario pa risibí e MultiCard nobo ku chep kompletamente grátis. Por hasi esaki na kualke branch di Banco di Caribe. Tur tarheta di MultiCard ku ta bálido por wòrdu kambiá grátis pa unu ku chep, asta si e kliente a tuma un nobo sin chep resientemente.  Pa mas informashon tokante e proseso di kambio pa un tarheta di MultiCard yama Banco di Caribe na telefon 432 3200.