Liane Bonifacia lo representa Korsou na Miss United Continents 2017

Despues ku nos Miss Kòrsou 2016 Chanelle de Lau a hasi un tremendo i magnifiko trabou i laga mundu sa di Kòrsou, Coridja Stars Productions ke anunsiá ku Srta Nashaira Balentien lo ta Kòrsou su próksimo representante na e prestigioso sertámen di Miss Universe 2017. I Liane Bonifacia lo representá Kòrsou na Miss United Continents 2017.

Despues ku aña pasá Nashaira a keda elihí komo Miss World Curacao i pa motibunan ya konosì, no a partisipá mas den e sertámen aki, nos di Coridja Stars Productions mirando tur e preparashonnan ku a wòrdu hasí i e kualidatnan ku Nashaira ta poseé, a disidi ku lo delegá e beyesa aki komo Kòrsou su representante na Miss Universe 2017. Djaluna awó 12 di yüni den un aktividat ameno i den presensia di algun invitado i prensa, koronashon di Nashaira lo tuma lugá ofisialmente.

Nos ta sigur ku Nashaira tambe lo ta otro digno embahadora di nos pais. Miss Universe 2017 lo tuma lugá 26 di novèmber, esei ta nifiká ku mesora preparashonnan lo kuminsá pa nos representashon ta total. Liane Bonifacia, ku ta nos Promé Finalista Miss Kòrsou 2016, tabata otro tremendo kandidata ku a demostra un nivel haltu di inteligensia i beyesa.

Durante e aña ku a transkurí, Liane a tuma su responsabilidat hopi na serio, Coridja Stars Productions a risibí hopi bon reakshon i petishon pa Liane partisipá na un sertamen Internashonal i di nivel. Evaluando tur e aspektonan aki, C.S.P. lo delega Liane Bonifacio pa Miss United Continents na Ecuador ku lo tuma luga 23 di Sèptèmber 2017. Naturalmente nos ta konta ku sostén di pueblo di Kòrsou kompleto su apoyo pa nos digno representantenan.