Stichting Maneho Social Curaçao a kuminsa komo un inisiativa di un hoben ku tabata mira e nesesidat di tin un organisashon ku lo traha na bienestar di e komunidad. Durante e añanan tras di lomba a hasi hopi investigashon di e situashon akin a Korsou di kual mayoria di datosnan ofisial di CBS a ser usa pa asina a traha e formula perfekto pa asina e organisashon por bai traha kune.
Desde yanuari 2017 preparashon a kuminsa pa asina ofisialisa e organisashon. Esaki a ser realisa dia 15 di mart 2017 na ofisina di Notario ESHUIS. E direktiva konsistiendo di:
Presidente: Johnathan Williams
Secretaria: Juraiska Mauricio
Tesorero: Whitney Melfor
Komisario: Nidjeska De Windt
Komisario: Ydellienne Heereveen
Director: Riecardi Irausquin
Na mes momento a kuminsa ku trabaonan intensivo pa e lokalidad di e organisashon habri su portanan i kuminsa juda e pueblo di Korsou. Desde 5 di mei 2017 e ofisina ta brindando judansa na tur esnan ku jega ku diferente kasonan. Ku e meta pa nos kuminsa den luna di oktober ku e pakete nan di kuminda. E organisashon su focus prinsipal ta famia, mucha, hoben y mama nan soltera ku ta bibando den pobresa. Sifra nan ta indika ku Korsou tin un situashon sosial ku ta konta ku mas o menos 30-40% ku no ta logra pone kuminda riba mesa i kual ta kousando tur e problemanan sosial ku nos konose.
Pa medio di e komunikado aki, awe nos kier invita tur esnan ku tin mester di kualkier judansa of kier brinda yudansa pa pasa na nos ofisina i inskribi bo mes. Nos lo tin trahador nan sosial ku lo bishita e famia i traha riba e mehorashon ku ta mas indika pa e famia. Nos ofisina ta situa na Winstonchurchillweg 72 unit K-L (GEBOUW BANDA DI DON BARTHOLO NA E T-KRUISING DI CUBAWEG/WINSTONCHURCHILLWEG), nos ta traha di djaluna pa djabierna di 9or di mainta te ku 5or di atardi. Den wikent pa kaso nan urgente lo nos por Sali i atende esaki pero ta evalua esaki. Number nan di telefon pa kontakt nos kantor ta 787-food (787-3663) of 6900400.
Tur yudansa i kurso ku nos organisashon ta bai brinda lo ta kompletamente gratis. Kada kliente tin ku somete su mes na e guia di e organisashon pa e por sali for di e sitaushon indesea.
Di e forma aki nos ta spera di por kontribui na un mehorashon sosial riba nos dushi Isla Korsou. Tel: +5999 7873663 Cel: +5999 6900400 Email: manehosocial@gmail.com Facebook: https://www.facebook.com/socialcuracao/