ORANJESTAD, Aruba – 19 di April 2017: Diaranson anochi na Renaissance Marketplace a tuma luga e show di auto y drift. The Cinemas a haci esaki pa promove e pelicula di “Fast 8” cu ta secuencia di e pelicula “The Fast and The Furious”.

Den pasado The Cinemas a yega di organisa evento di carshow caba, pues no ta algo nobo, asina Devin de Veer, coordinador di bende y mercadeo na The Cinemas a remarca. “Fast 8 ta un pelicula cu hopi hende a keda sorprendi con e plot a cambia full, el a twist”, di acuerdo cu Devin de Veer. The Cinemas a dicidi di haci e carshow un tiki mas grandi y p’esey a indica cu e carshow no tabata suficiente. Asina aki a dicidi di pone acerca show di drift riba e parkeerplaats di Marketplace pa trece e hendenan mas den ambiente di e pelicula.

E aceptacion di e publico pe carshow y drift tabata hopi bon. Devin de Veer a conta cu no a spera cu nan lo a haya asina tanto auto pa e carshow. “Mi ta kere cu hende a pasa y lo a mira hopi auto, nan kiermen ‘hey mi tambe mag pone mi auto.’ Nos a habri porta pa tur hende. Nos a pensa cu porta nos lo haya 12 auto, pero nos tin mas cu 30 auto. Kiermen super, super bon”, asina Devin de Veer a duna di conoce.

“Si boso no haya chens di mira e trailer, mi ta kere e trailer ta bisa suficiente pa bo haya gana di bin mira e pelicula. Boso tur ta mas cu bon bini. Dialuna, diamars y diaranson ta 2 for 1, miho deal bo no por haya y nos ta spera boso na Paseo Herencia of na Renaissance Marketplace pa mira Fast 8”, asina Devin de Veer a termina bisando.