Tur kos ta pinta ku e siman aki e kansion titulá “Buskando Bo Kara“ di Brian D huntu ku Dayo Strea Nobo lo ta riba merkado. Ta trata aki di un komposishon di Brian Dekkers (Brian D) huntu ku Daisel Martis (Dayo Strea Nobo). Un komposishon ku ta splika situashonnan real ku ta pasando den nos komunidat i alabes un sosten pa nos yunan di tera no entregá pero sigui pone nan konfiansa den Señor. Keda pendiente pa e videoclip tambe ku a wòrdu grabá na nos dushi isla Kòrsou. Un tremendo promoshon pa nos bunita lugá.