I e Ganador ta…

Riba e anochi festivo di seremonia di Awards di e di 6 edishon di Curaçao International Film Festival Rotterdam a anunsia e ganadornan di Yellow Robin i e kompetensia Caribbean Shorts.

Yellow Robin Award 2017

E pelíkula debutante di Alejandro Andújar, El hombre que cuida (The Watchman), a gana e kompetensia Yellow Robin Award 2017, pa direktornan di sine hóben di den Karibe i Latino Amerika. ANDÚJAR (1980, Repúbila Dominikano) a studia na Akademia di Sine di San Antonio di Los Banos na Cuba. Den 2014 e ta funda i bira direktor artístiko di RDOC e promé festival di sine dokumental di den Karibe. Na 2008 a sali su promé short A Day at the Market.

E premio di The Yellow Robin Award ta konsistí di un premio di sèn cash i partisipashon na un programa pa desaroyo di talento; ademas lo pasa e pelíkula ganador den e programa Bright Future di International Film Festival Rotterdam na 2018 i tambe lo pasa e pelíkula na e siguiente edishon di e festival di Sine di Morelia International Film Festival na Mexico. E hurado di Yellow Robin Award e aña aki ta konsistí di: Bero Beyer, Direktor di Festival di IFFR, e regisor/produktor Kurasoleño Felix de Rooy i Wendy Mitchell di British Film Council.

Caribbean Shorts Award 2017

Armand Simon (Aruba) a bai kas ku e promé Caribbean Shorts Award ku su pelíkula E yobida di ayera (Yesterday’s Rain) tokante un mucha muhé ku ta trata na deklará su amor na su mihó amiga. Segun e hurado: “Yesterday’s Rain ta mishi ku nos den nos eksistensia. E pelíkula ta trata na keda humano, humilde i honesto, mientras ku den mesun forma e pelíkula ta trata na un manera balente di duna e promé pasonan di un destino doloroso”.

Despues di su estudio na Conservatorium di Rotterdam i de Hogeschool voor de Kunsten na Utrecht, Simon a regresá Aruba kaminda e la funda Da Vinci Academy ku ta duna un programa di aktor úniko na hóbennan: de Young Actors Club.  Den 2015 e la debutá ku su promé short The Package. Yesterday’s Rain ta su di dos short. Lo pasa e peíkula ganador na tur 6 festival di sine ku kua CIFFR a sera un konvenio den 2016: Cuba, Republika Dominikano, Guadeloupe, Martinique, Mexico i Trinidad & Tobago.