ORANJESTAD – April – Renaissance Aruba ta presenta un otro edicion di su concepto ‘pop-up restaurant’.  Clientenan a pidi pa ripiti e ‘pop up’ So Thai y riba demanda popular Renaissance Aruba ta complace tur fiel bishitante. E sabornan exotico di Thailand ainda ta fresco den memoria. E siman aki lo presenta e mihor di Thailand cu sabornan authentico di ‘Songkran’. Pa unicamente dos dia, Renaissance Aruba lo hibabo riba un biahe culinario transformando ex Carpe Diem restaurant den un ‘pop-up’ restaurant y asina presenta, ‘Songkran’ cu ta priminti di bira espectacular!

Renaissance Aruba su team culinario a keda encarga pa trece e mihor di Thailand y presenta esaki den un creacion culinario; Songkran lo tin sabornan eksentriko cu lo hibabo te Thailand. E biaha aki e pop-up restaurant lo ta dos dia; lo sirbi lunch y dinner. Cuminsando for di diahuebs 13 di april pa 11’or di mainta cu lunch – te cu 10’or di anochi pa dinner. Lo presenta e mihor ingredientenan pa asina ofrece bishitantenan sabornan manera lemongrass, thai basil y e tan gusta peanut-bourbon infusion. E pop-up restaurant lo keda te cu diabierna 14 di april!

Bini hunto cu famia y amistadesnan pa disfruta di platonan manera Nuea Satay cu ta ‘marinated beef skewers’, Tod Mun Pla cu ta Fish cake combina cu un Tamarind sauce, E famoso Seafood Khao Soi, cu ta un Spicy seafood noodle soup of e Pla Sam Rot, cu ta Renaissance Aruba su specialidad, un Fried Red Snapper. E menu ta extenso y varia,  for di appetizer pa salada, sopi, main course y tambe e seccion di dessert.  Bo ta keda cordialmente invita pa disfruta di plato- y cocktailsnan autentico di Thailandia. Pa mas informacion por tuma contacto cu 5236115 of bishita Renaissance su pagina di Facebook, www.facebook.com/RenaissanceAruba/events.