Disfrutá di e mihó ‘Easter Brunch’ na Kòrsou

WILLEMSTAD – Aprel 2016 –  Renaissance Curaçao Resort & Casino ta klá pa selebrá Pasku Grandi ofresiendo dos diferente opshon pa brunch. Nautilus i Atrium lo hasi e selebrashon mas grandi ku nunka. Meskos ku añanan anterior Renaissance Curaçao Resort ta invitábo pa hasi reservashon trempan pa huntu ku bo famia bo sigurá bo lugá durante di e popular ‘Easter Brunch’ dia 16 di aprel próksimo, entre 12’or di mèrdia i 3’or di atardi. E aña aki tambe a kombin’é ku entretenimento bibu, pintamentu di kara pa e muchanan i oportunidat di saka potrèt ku e ‘Easter Bunny’.

Pa djadumingu 16 di aprel próksimo Renaissance Curaçao Resort a prepará un dia yen di sorpresa pa tur ku disfrutá di nan ‘Easter Brunch’. E tim kulinario di Nautilus i Atrium a pèrkurá pa un menú variá konsistiendo di kuminda lokal i internashonal. Un brunch buffet sabroso ku vários ‘stations’ manera pasta, seafood, e famoso ‘carving station’ anto sin lubidá riba esun di boka dushi. Skohe unda bo ke sinta ku bo famia, sea ta na Nautilus òf den Atrium Ballroom. Un kos sí; reservá trempan!  Pa tur ku disfrutá di brunch den Nautilus lo tin músika bibu di Expect Quality i den Atrium lo tin presentashon di Gilmar Fraites. Renaissance Curaçao Resort su Easter Brunch lo ta únikamente 89 florin pa persona i muchanan di 5 pa 12 aña ta paga mitar preis, miéntras ku mucha bou di 5 aña ta kome grátis! Preis ta inkluí e ‘Easter Brunch’, un ‘welcome cocktail’ i 2 limonada.  Ta rekomendá pa hasi reservashon na tempu; lugá ta limitá. Pa reservashon por yama 4355009 òf email nsoleana@curacaorenaissance.com.