Dos siman pasá nos a anunsiá di lo bai kuminsá ku trabounan pa instalá lusnan di e sistema LED na Sentro Deportivo Kòrsou. E instalashon di lus aki ta un inovativo i mas ku tur kos ta yuda spar riba gastu di energia.

E instalashon aki a eksigí mas trabou di loke a premirá, pero no opstante esaki, a terminá fin di luna di mart manerá a indiká for di kuminsamentu di aña. Djasabra último dia 1 di aprel a sende e lusnan nobo pa promé biaha den Stadion Ergilio Hato.

E lusnan, aparte di baha gastu, nan ta traha riba un sistema modèrno ku lo pèrmití tambe pa programá e lusnan adelantá pa sende i paga, loke tambe lo yuda e parti ku mester a warda e lusnan keinta promé ku sende.

Poko poko pero sigur, FDDK ta sòru pa hiba nos stadion nashonal na e kompleho deportivo  modèrno ku komunidat kompleto por ta super orguyoso did je!