The ‘Royal Roots Family of Morgan Heritage” ta programa pa ta na Aruba como un di e atraccionan principal pa Flip Flop Festival dia 1 di April proximo. E banda ta un di e bandanan mas popular den e mundo di reggae. Ta trata di un famia grandi y uni cu ta biaha rond di mundo pa deleita publiconan di miles cu nan musica di reggae.

Na Aruba sigur tin hopi fanatico di e musica di reggae pero tambe specificamente e banda. For di cancionan manera ‘How Come’, ‘Down by the River’, ‘Don’t haffi dread’ y otronan Aruba por spera un concierto cu hopi calidad musical riba e beach di Bushiri Arena.

Recientemente e banda a gana un premio hopi importante den e industria di musica. Ta trata aki di e premio di ‘Best Reggae Album’ pa nan album ‘Strictly Roots’. Esaki sigur ainda ta mas confirmacion cu e musiconan aki ta riba un nivel hopi halto.

E banda legendario aki a wordo forma na ana 1994 pa yuinan di e conocido artista Denroy Morgan, ta trata aki di  Peter “Peetah” Morgan, Una Morgan, Roy “Gramps” Morgan, Nakhamyah “Lukes” Morgan, y Memmalatel “Mr. Mojo” Morgan. Durante nan trayectoria nan a yega di graba cu entre otro Capleton, Junior Kelly, Luciano, Gentleman y Beres Hammond.

Hunto cu Morgan Heritage lo ta Konshens, Rick Ross, Shermanology y hopi mas. Ainda por cumpra ticket general y standing vip ja cu mesanan VIP ta bendi. Por cumpra ticket na  Chill Logo Store situa den Renaissance Market Place dilanti Seaport Cinemas,Citgo Palm Beach, Citgo Boulevard, Citgo Santa Cruz y Citgo Essoville..