Aruba henter ta invita pa pasa showroom pa admira autonan clasico y di careda di 14 pa 17 di maart

ORANJESTAD, Aruba, 15 di maart 2017 – Aruba ta na caminda pa celebra Dia di Himno y Bandera. Arubianonan ta cla pa subi caminda y keiro rond di isla pa disfruta di un dia di union y harmonia y Garage Cordia representando e famoso marca di auto Toyota no ta keda atras den e gran celebracion aki.

Pa e aña aki Garage Cordia y Toyota ta organisando un tremendo show di autonan clasico y di careda di marca Toyota pa fanaticonan di e tipo di autonan aki como tambe henter comunidad.

For di dia 14 te cu dia 17 di maart for di 8:00 am te cu 5:30 pm, pueblo ta invita pa pasa na e showroom di Garage Cordia pa admira e modelonan clasico di Toyota como tambe e modelonan di careda.

Aki un y tur lo por wak cu nan mesun wowo con duro y bon a autonan Toyota ta!

Una bes eynan por tira un bista riba loke Toyota tin pa abo por subi caminda cune y sigur sigur disfruta di un auto duradero como tambe di dealnan special!

Riba 18 di maart Garage Cordia ta sigui cu e celebracion di Aruba su dia nacional cu mercado di purga unda un y tur ta invita pa pasa un rato y disfruta hunto cu e famia di Toyota. Lo tin diferente stands cu productonan local.

Garage Cordia y Toyota ta uni su mes na Aruba su himno y su bandera y ta celebra hunto cu comunidad.