WILLEMSTAD- Fundashon Kultural Seú Kòrsou a start ku preparashonnan pa loke ta trata Kantadó Mayó 20177. Awe for di 14:00 Inskripshon a habri i sigur por a mira ku den e promé ora di inskripshon ya un kantidat di 17 persona a inskribí. Esaki lógikamente a duna e Fundashon e speransa ku sigur lo tin mas persona ku ta bai inskribí pa e tremendo aktividat aki. Ta di konstatá ku sigur hopi ta e hóbennan ku a inskribí i lo ta den e kontienda pa dia 28, 29, 30 di mart i 1 aprel na Curacao Festival Center.

Setentikuater inskripshon

E kantidat di 74 inskripshon ta indika ku sigur e evento aki tin su derechi di eksistensha.  Riba e lista ku a keda kompilá huntu ku e persona di CurSoft ku ta enkargá ku e parti atministrashon di dato tin algun partisipante ku a inskribí ku un banda i nan a pone “Pending”. Tambe algu titulo ku ta pending. Pero e Pending aki ta mara na un klóusula di dos dia pa e partisipante por bisa ku ken ofisialmente e ta bai kompetí. Pues Komishon Kantado Mayo a duna dos dia p’asina tur detaye ta kla sino e partisipante ni e banda no por partisipa si e yama “Pending”.Pues ku tur lektor i oyente su indulgensha den dos dia ofisialmente tur nòmber tantu di Banda komo kantante i/of seú ta konosí. Fundashon Kultural Seu Korsou ta gradesí tur esnan ku a inskribí i ta spera ku nan lo tin éksito riba e dianan di festival.

Athunto e listanna