Su ekselensia Prinsesa Laurentien i Gobernador a duna un man

WILLEMSTAD — Despues di un tremendo ‘kick-off’ djaweps nochi na kantoor di Curaçao Cares kaminda Su Ekselensia Gobernador Lucille George-Wout a kompartí palabranan di inspirashon pa organisashonan sosial, CURA DOET 2017 a start ofisialmente! CURA DOET ta parti di e akshon boluntario mas grandi den reino ku partisipashon di ARUBADOET, BONDOET, STATIADOET, SXMDOET en NLdoet.

Curaçao Cares ta orguyoso di por a risibí un miembro di Kas Real aki na Kòrsou e aña aki durante CURA DOET. Su ekselensia Prinsesa Laurentien tabata presente na Gouverneur Laufferschool pa duna inisio na CURA DOET huntu ku un team di Kooyman. Su ekselensia Laurentien ta na Kòrsou pa sera konosí ku e skolnan di ‘Raad van Kinderen’ i e kompanianan ku a partisipá, pero no kier a pèrdè e chèns pa duna un man durante e promé dia di CURA DOET. ‘Raad van Kinderen’ ta un inisiativa di Missing Chapter Foundation, fundá dor di Su ekselensia Laurentien na aña 2010. 4 kompania i skol ya ta trahando huntu eksitosamente. Pa yama nan skol danki i tambe selebrá ku Gouverneur Lauffer ta eksistí 60 aña, Kooyman Curaçao ta bai fèrf algun lokal na e skol.

Hinter e gabinete di Gobernador tambe tabata presente tambe na Kas Hugenholtz pa drecha i fèrf e ‘prieeltjes’ den zona rekreativo pafó kaminda grandinan ta sinta i pasa nan dia.

Boluntarionan entre otro a malkriá grandinan na Betesda i na Fundashon Sonrisa awe. Na Betesda, studiantenan di FEFFIK ‘uiterlijke verzorging’ a duna e grandinan maniküri pedikür i na Fundashon Sonrisa boluntarionan a kushiná i hunga wega ku nan klientenan.

Mañan lo tin 3 biaha e kantidat di aktividat kompará ku awe.Na diferente organisashonan trabounan a kuminsá awe i lo sigi mañan. Un danki grandi na tur e boluntarionan ku a forma parti i tur e kompanianan ku a yuda ku material i labor.