Aruba Bank ta felicita e N’Fuzion, “Rusy” y Hendry Tromp. E cancion “Rise of the dead” a resulta e cancion mas toca y mas baila den carnaval

ORANJESTAD, Aruba – 6 di Maart 2017: Diabierna atardi Aruba Bank tabata hopi orguyoso di por ta anfitrion pa e entrega di premio na ganadonan di “Roadmarch 2017”, organisa pa fundacion MUSICA. Antes tabata yama e cancion aki e “Roadjam” pero a opta pa cambia e nomber e aña aki. Durante e evento a conta cu presencia di Directiva di Musica y e ganadonan mes. A tene e evento na oficina principal di Aruba Bank na Camacuri. A entrega premio na Reynaldo “Rusy” Sprott cu a gana Afl. 2000,= como cantante di “Rise of the Dead”, Hendry Tromp, como compositor y areglista a gana un otro Afl. 2000,= y e agrupacion musical N’Fuzion A ricibi un premio di Afl. 1000,=. Aruba Bank ta felicita un y tur cu a participa, principalmente na e feliz ganadonan, cu ta e banda, e cantante y e compositor/areglista di e cancion mas toca y mas baila durante carnaval 2017.