‘Meet and Greet’ cu Sr. Brad Butcher

Oranjestad – Maart – LG Smith’s Steak & Chop House conhuntamente cu Jordan Wines lo ta anfitrion di un dinner special pa Sr. Brad Butcher, representante di Jordan Winery. E cena aki lo ta combina cu un ‘meet & greet’.  E team culinario di LG Smith’s Steak & Chop House a traha un menu specialmente pa e anochi aki, ta nifica cu tur presente lo disfruta di un seleccion exclusivo.

Deleita den un ‘4-course’ dinner, den un ambiente elegante cu biñanan for di portofolio di Jordan Wines, cada un perfectamente selecciona pa cada plato respectivamente. LG Smith’s Steak & Chop House conhuntamente cu Arion Wine Company, representante di biñanan Jordan aki na Aruba a prepara un excelente anochi caminda cada plato lo wordo sirbi cu un glas di biña Jordan pa combina perfectamente cu e sabor y ingredientenan di e plato cu na e momento ey nan ta disfruta. Como entrada lo sirbi un ‘Scallop and Arugula’, e segundo plato lo tin ‘Gnocchi Shrimps Lavender Sauce’, y e plato principal lo inclui ‘Beef Short Ribs’. Finalmente como dessert lo sirbi un Chocolate Dome.

E dinner aki lo tuma lugar 10 di Maart pa 7or di anochi y ta unicamente $115 pa persona cu ta inclui e ‘4-course dinner’ mas 4 glas di biña selecta personalmente pa Sr. Brad Butcher, un experto den seleccion di biña. LG Smith’s Steak & Chop House ta extende un invitacion na tur amante di biña di calidad halto y tambe esunnan cu kier disfruta di un anochi exclusivo na LG Smith’s Steak & Chop House. Ta recomenda pa hasi reservacion yamando 523-6195 of bishita e website di LG Smith’s Steak & Chop House www.lgsmiths.com.