Willemstad – Djaweps dia 7 di novèmber di 7 or pa 10 or di anochi na TuTu Tango grupo di karnaval Royalty ta selebrá 5 aña i alabes e ta presentá su trahe ekonómiko pa karnaval 2014. Tema di Royalty pa  karnaval 2014 ta “Jesters mocking Royalty”. E trahe ta bunita, ekonómiko i kómodo. Royalty tin modèl pa satisfasé e deseo di e karnavalista; for di esun di mas konservativo te esun di mas sèksi. Preis pa e sekshon ekonómiko ta solamente 750 florin. E presentashon di e trahenan ta bai ta algu úniko i DJ RO1 lo sòru pa un tremendo ambiente. The Music Doctor RO 1 ta alabes e DJ ku lo kompaña Royalty pa marchanan di karnaval 2014. E anochi aki tin e último oportunidat pa inskribí pa partisipá na karnaval 2014. Banda di presentashon di trahe Royalty ta selebrá su di 5 aniversario tur afó ku DJ RO1, bolo i un Daily’s di Hector Henriquez. Un i tur ta bon bini pa pasa i selebrá huntu ku Royalty djaweps dia 7 di novèmber di 7 or pa 10 or di anochi na TuTu Tango.  Despues di Royalty su presentashon e ambiente ta sigui na TuTu Tango ku latin night.