ORANJESTAD, Aruba – 13 di februari 2017: Na prome luga cerbes Chill ta comparti cu tur fanatico cu nan ta hopi gradici na e sosten incondicional cu Aruba a sa di duna na Flip Flop Festival durante e ultimo 6 añanan. E festival a sa di crece for di un evento chikito di beach pa ta un di e festivalnan cu mas atendencia yegando mas di 7000 persona. E aña aki e festival lo tuma luga fin di Maart.

Despues di a organisa e festival pa 6 aña a yega e momento pa hiba e festival na e siguiente nivel pa e por sigui crece. Pa por haci esaki pa por ofrece un experiencia mas eleva pa cada persona cu atende e festival, mester a tuma un decision importante cual ta cu lo cobra un entrada/contribucion for di cada persona cu bini e festival.

Esaki naturalmente ta trece hopi beneficio na unda cu e ‘line-up” di artista internacional lo ta hopi mas fuerte cu den pasado incluyendo algun artista cu ta hopi popular actualmente. Tambe e festival lo consisti di tres evento en bes di 1 dia. Flip Flop Festival lo sigui brinda e miho experiencia pa cada persona pero ainda mas eleva cu mas artista, un food court completo y mas atraccion cu solamente musica. Esaki lo crea mas ainda un ambiente di festival.

Flip Flop Festival ta conta cu e sosten di cada un persona cu a yega di bishita e festival y ta anuncia cu e siman aki e ticketnan “Super Early Bird” lo sali riba mercado. Flip Flop 2017 lo ta inolvidabel!