Si nos ta papia di artista i show, aki na Kòrsou ta un persona so nos por pensa riba dje ku ta nos artista internashonal Danny Yanga. Kòrsou kompleto por a presensia durante di festival di tumba 2015, 2016 i di 2017, tambe den showtime di Miss Kòrsou 2016 i tur e otro shownan tantu aki o internashonal, tantu su aktuashon i su vestuario semper ta tur afó. Por Google Danny Yanga i mira pa bo mes, kon grandi i na nivel kada presentashon di nos artista Danny ta. Danny ta multi talentoso e ta bai ranka sali bèk a petishon di asina tantu mucha i mayornan ku Akademia ShowBizz. Danny i su dosentenan kualifiká ta duna kurso intensivo di músika, kanto, baile, drama, aktuashon i pa terminá ku un presentashon riba nivel. Ta konsehá mayornan pa laga e muchanan partisipá den e kurso kaminda kurashi i ánimo ta pone mas konfiansa den nan mes. E kursonan ta 4 luna intensivo tur djasabra for di  2:15pm te ku 4:30pm, kuminsando for di mucha di 6 aña te ku e persona di edat. Ta repartí esaki den 3 kategoria ku ta 6-9/10-14/i 15 pariba. Ta klousurá kada periodo ku un konsierto/show gigantesko den WTC i ta kulminá ku entrega di sertifikado di partisipashon. Despues por sigui upgrade pa e siguiente shownan. Danny Yanga ta sigurá na tur persona ku despues di e kurso lo mira desaroyo grandi personalmente. Esaki ta bira e di 3 edishon di Akademia ShowBizz i e aña aki e ta bai ta aun mas grandi. Meta ta, pa engrandesé talento i alabes deskubrí talentonan nobo. Bo ke presentá na televishon, bo ke baila mihó, bo ke kanta òf bo ta mira bo mes ta kompetí den kompetensianan ku tin di haber ku Show? awèl ta serka Akademia ShowBizz bo mester ta pa asina bo duna bo mes e animo pa bo por logra bo soño. Kurso ta kuminsá djasabra 4 di Mart 2017 na JCC pega ku Misa di Kwartier. Por yama Pa inskripshon i informashon na 521-3700 òf 560-6225, i pa reservá e lugá. Por inskribí telefónikamente awe mes i haña tur informashon di e inskripshon i e kontribushon. Djadumingu awor 12 di febrüari di 11’or pa 3’or por pasa personalmente i hasi e inskripshon ofishal  na Flair Lounge (ántes Ole Ole) pa garantisá e lugá. Kòrda ku lugánan ta limitá pa Akademia ShowBizz Danny Yanga, ku awor si ela bin pa keda debí na e petishon grandi pa un Akademia asinaki na Kòrsou i pa sigui engrandesé i deskubrí e hóbennan ku talento i pa ban pa shownan na nivel i ku ekselensia.

I pa Djadumingu tambe “Akademia ShowBizz Danny Yanga” tin e promé “Fundraising Take out Lunch” di 12pm pa 3pm, pa por hasi e preparashon pa ShowBizz su kontinuashon, esaki ta tuma lugá na Flair Lounge tambe i por yama Danny i hasi reservashon pa bo lùnch.