Durante di e reuda di prensa ku a tuma lugá dia 04 di Novèmber último na Autocity den Saliña, e komishon organisadó di Karnaval ku ta konsistí di AGKK i Kas di Kultura a presentá e programa di aktividat pa temporada di karnaval 2014. Aktividat ku no por falta den temporada di Karnaval ta e elekshonnan di Rei i Reina Tiner, Reina Prens i Pancho di mucha i tambe hende grandi. E aña aki elekshon di Reina i Rei Tiner lo tuma lugá lo tuma lugá dia 31 di yanüari 2014, Reina, Prens ku Pancho hende grandi dia 1 febrüari 2014 i Reina, Prens ku Panchi di mucha riba dia 2 febrüari 2014. Tur elekshonnan aki lo tuma lugá den WTC. Organisashon di elekshonnan aki lo ta den man di e organisashon di Pro Art Productions (PAP), bou di guia di sr. Dennis Puriel. Ya inskripshon a habri i ta sera dia 18 di Novèmber 2013. Un yamada ta bai na tur persona ku ta interesá pa inskribí pa elekshon di Reina i Rei Tiner, Reina Prens ku Pancho Grandi, Reina, Prens ku Pancho di Mucha pa pasa na Kas di Kultura i puntra pa sra. Sue-Ellen Cijntje of por yama tambe na number 434-7355. Por manda imeil tambe na cijntjes@kasdikultura.an of tambe na proartproductions2013@gmail.com