E di sinku edishon di Curacao Pride ta na kaminda atrobe. E organisashon a publika su programa siman pasa. Esaki ta bira un Pride special, pasobra Curacao Pride ta selebra su prome lustro. Curacao Pride 2017 lo tuma luga e anja aki djarason 27 September te ku djadomingo 01 Oktober 2017.
E organisashon di Curacao Pride ta laga sa di ta super orgujoso di atrobe e por organisa e di sinku edishon. “Nos ta kontentu di mira kon e aseptashon pa ku e komunidat di LGBT riba e Isla ta birando mas grandi. Nos ta mira tambe kada anja di nobo ku mas bishitante di exterior ta bin bishita Pride.
Komo organisashon nos ta promove Pride tambe den diferente pais kaminda nos ta risibi airlift direct. Djis pensa riba Hulanda, Alemania, Amerika nort, Florida, Colombia, pero tambe sigur e islanan den serkania.Hopi di e islanan aki no tin Pride mes of hasta tin e regimen di anti-homo. Nos ta invita tur hende pa huntu pa bin selebra diversidat den tur trankilidat.”
Floris Suite Hotel e anja aki atrobe ta e Host Hotel pa e Pride aki. E Hotel aki pa solamente adulto tin un manejo explendido di “Gay welcoming” y pesey ta e sitio ku a wordu apunta pa esaki. Pero komo organisashon nos ta hasi un jamada tambe na otro Hotel y establesiminentonan den horeca pa durante e periodo di Pride pa pone algun special leuk. Curacao Pride ta semper disponibel pa pone e akshonan aki den nos media kanalnan of den The Pride Villager. E Pride magazine aki ku durante henter anja ta wordu reparti gratuito riba e isla aki na diferente hotspots I tambe den 2017 ta bira e in-room magazine na Floris Suite Hotel
E programa di Curacao Pride 2017 lo ta den e siguiente forma: Djarason e apertura lo tuma lugar na Floris Suite Hotel. Djawebs nos ta start ku e existoso Pride Walk anto djabierne anochi nos lo tin e famoso Rainbow Lounge XL. Djasabra merdia nos lo bai disfruta dushi riba laman ku Navigation Sea Parade pa despues anochi ta bai tin e famoso White Party na Floris Suite Hotel. Djadomingo Curacao Pride ta sera ku un Beach Party na Moomba Beach Club. Por hanja e programa kompleto riba e website
www.curacaopride.com of riba facebook pagina www.facebook.com/curacaopride