WILLEMSTAD/ NOVEMBER 2013:- Awe Digicel a lansa su tarifanan nobo i mas barata pa roaming den Caribe i Latino Amérika ku “Roam Like Home” òf Digiroam. Ora nan ta di bishita na diferente pais, klientenan di prepago i postpago awó por usa nan telefon ku konfiansa i ta paga tarifanan èkstra benefisioso riba nan yamadanan na 20 pais Caribense i Latino Amerikano. Mèrkadonan ku ta partisipá na “Roam Like Home” ta Águila, Antigua & Barbuda, Barbados, Bermuda, British Virgin Islands, Cayman Islands, Dominica, El Salvador, French Guyana, Grenada, Guadeloupe, Haiti, Jamaica, Martinique, Panama, St. Lucia, St. Vincent & The Grenadines, Surnam, Trinidad & Tobago and Turks & Caicos. Ora e kliente ta di bishita na kualkier un di e paisnan aki i ta uzando su number di Digicel Kòrsou, Boneiru òf Aruba e kliente por benefisiá di tarifanan manera ku ta na kas nan ta riba yamada, SMS i data  ku “Roam Like Home”.E preisnan benefisioso riba yamada, SMS i uso di data ta bálido pa klientenan di Digicel Kòrsou, Boneiru òf Aruba tanten ku nan ta hasi uso di e red di Digicel; esaki lo wòrdu apliká outomátikamente. E kampaña aki ta bin komo un sorpresa hopi plasentero pa klientenan di Digicel, partikularmente e klientenan ku ta preparando pa biaha pa negoshi òf fakansi den e siguiente lunanan. Hopi ta e klientenan mas ku a disidí di bira parti di e famia di e red mas grandi, mihó i mas lihé i disfrutá di “Roam Like Home”. Riba foto:  Sr. Sander Gielen, CEO Digicel Dutch Caribbean