Fundashon Chikitous ya di 12 aña konsekutivo ta organisa tremendo jump in spesialmente pa nos muchanan. Manera tur aña di nobo e jump in aki ka karga ku ambiente i musika i nos muchanan ta gosa un bòl. E aña aki tambe esaki tin un tema i e tema di e aña aki ta Lightful Jump in Tur esaki lo tuma lugá djasabra dia 4 di febrüari den Spoonz i lo tin animashon musikál di entre otro Gentz Dreams i DJ Krokzz i animashon spesial di Chaika, Maison, SMC, Dez i Easy Money Gang.

Tur esaki lo kuminsa eksaktamente 1 or di mèrdia pa 6 or di atardi. karchinan ta optenibel serka tur miembro di Fundashon Chikitous i na 24 uur uit de muur, Boekhandel Mensing I Beep beep Rio Canario na balor di fl. 27.50 adelantá i fl. 32.50,-

Pues buska bo karchi tempran pa bo no pèrdè e grandioso Jump-in aki. Bini ku ruman prima primu i asta mayornan tambe ta bon bini pa bin djòin e chikitinnan. Den dushi ambiente tur na lus i lo bai tin premio pa e tishúrt mas kreativo i mas impaktante ku lo keda anusiá durante di e jump in. Tene kuenta ku lo entergá tishúrt djabiernè 3 di febrüari entre 5 or pa 7 or na buurtcentrum Sta Maria. Tuma bon nota di esaki. Preis ta inkluí bo tishúrt i un drinks. Fundashon Chikitous  ta invinta tur mucha i mayor gustado di bon ambiente na nos. Lightful Jump in 2017.. Pa mas informashon por yama tante Juchi na cell.5290606