Vários Deportista i Artista di Kòrsou premia
WILLEMASTAD — Dia 6 di desèmber, un delegashon di Kòrsou konsistiendo di baluartenan riba tereno deportivo i músika a biaha pa Aruba, pa aya asistí na e anochi durante kual Jan Poets a galardoná hopi baluartenan riba tereno deportivo i di músika, relashoná ku su 25 aña den Farándula i Deporte. Direktiva di AMAK ke felisitá Jan Poets ku e tremendo inisiativa aki i tambe gradisié pa e honor ku el a duna na tur esnan ku el a galardoná. Ta bon pa menshoná aki ku e videonan di tantu p.e. tantu Hensley “Bam Bam” Meulens komo Anduw Jones a haña espasionan largu di mas ku 20 minüt durante di e programa. Direktiva di AMAK a keda hopi impreshoná pa mira e kompilashon aki, kaminda bo ta mira tur e hungadónan impreshonante i sensashonal ku un Andruw Jones a hasi durante su époka ku e tabata aktivo den Liga Grandi.
Esnan di Kòrsou ku a risibí aki ta:
- Manfred Gomes di AMAK
- Giovanni Atalita di AMAK
- Julius Koko
- Lindomar Henrietta di ESO
- Boy Thode
- Saab
- Reinir Lijfrock
- Urvin Yano
- Hensley Meulens
- Andruw Jones
Naturalmente di parti di Aruba tabata tin un gran kantidat di Deportista i Artista ku a risibí nan Den Ambiente Award. Finalmente di parti di Kòrsou, un gradesimentu ta bai na Jan Poets pa e rekonosementu duna na nos artistanan i deportistanan lokal.