Digicel un biaha mas ta sostene un bon causa. E kier cumpli cu su soño di representa Aruba

ORANJESTAD, Aruba – 7 di December 2016: E compromiso di Digicel ta pa yuda comunidad mas hopi posibel. Ta pa e motibo aki cu Digicel ta sostene un bunita causa cual ta esun di nos “Brand Ambassador” y colega Quincy Breell, cu ta organisando un bingo “Jump for a dream”. Meta di Quincy Breell ta pa su desaroyo como atleta di clase mundial pa medio di training y coaching pa loke ta su participacion den e “2017 IAAF World Championships in London”, “2018 Odesur Championships” na Cochabamba Bolivia, “2018 Central American and Caribbean Championships” na Barranquilla, Colombia, “2019 Pan American Games” na Lima, Peru y esun di mas importante “2020 Olympic Games na Tokyo, Japan. Quincy Breell kier prepara su mes miho posibel y logra destaca na nivel internacional, representando nos isla. Cu e fundraising aki kier logra recauda mas fondo posibel pa asina yuda Quincy alcanza su meta como tambe pa otro aña por sigui realisa mas eventonan manera esaki. E bingo ta tuma luga Diadomingo 11 di December na Club Caiquetio, di 6pm – 9pm. Ticketnan ta disponibel na Digicel Stores como tambe cerca Quincy y su amigonan. Ban yuda Quincy Breell haci su soño un realidad. Digicel ta hopi contento di por sostene Quincy kende sigur lo pone e nomber di Aruba na halto.