WILLEMSTAD – E reunion general anual ku mester a tuma lugá djarason 30 di òktober, lo kontinuá djaluna awor dia 4 di novèmber pa 7 or di anochi den Sala Newburn Patricks. Direktiva ku e miembronan presente durante di e reunion a tuma e desishon aki,  debí ku no tabata tin sufisiente miembro presente. Diferente miembro a komuniká ku nan tabata okupá i pa e motibu ei a skohe djaluna dia 4 di novèmber ku ta un dia ku mayoria miembro ta liber. E reunion general anual ta hopi importante, ya ku ta durante reunion aki ta trata relatonan finansiero i relato di sekretario  di aña. Relashoná ku selebrashon di dia di Músiko., lo tin algun punto hopi interesante ku lo keda trata na prinsipio di e reunion. Direktiva di AMAK ta konta ku presensia di tur miembro na e reunion di djaluna awor di dia 4 di novèmber pa 7 or di anochi den Salsa Newburn Patricks.