Awor ku fin di aña ta yegando i e petishonnan ta drentando kiko ta bai pasa ku nos muchanan di “Academy ShowBizz”, Danny ta habri e oportunidat pa tur persona prinsipalmente e muchanan por duna un presentashon den un bunita show di fin di aña ku ta titulá  “Christmas Celebration 2016”. Esaki ta tuma luga den Flair Lounge djasabra 17 i djadumingu 18 di Desèmber 2016.

Aña pasa Desèmber Danny i e alumnonan di “ShowBizz Academy” a duna un tremendo show den WTC i awor ku fin di aña ta yegando atrobe ta habri e oportunidat pa e muchanan ku ke duna un bunita Show di Pasku por inskribí pa un otro eksitoso show. E edat ta di 6 aña pariba. E kategorianan ta 6-12/13-17 i 18 pariba. Kada Kategoria ta duna un otro Show. E shownan bunita ku ShowBizz di Danny Yanga ta hasi no mester di hopi splikashon.  I awor ku Danny tin su propio sitio e preisnan tantu pa partisipashon i e dia di e shownan ta un preis hopi speshal pa henter famia por bin disfrutá i gosa di un tremendo Show pa un i tur den e ambiente di fin di Aña.

Por yama òf app na Tel: 521-3700 òf IMO o App na Tel: 560-6225 òf por pasa personalmente  pa mas informashon i inskripshon riba djarason 2 i djaweps 3 di novèmber di 6-8’or di anochi na Flair Lounge (ántes Ole Ole). Inskripshon ta Fls 95.- i ta inkluí 6 siman un bes pa siman 2 ora di training pa e Shownan. Training ta mainta i mèrdia na Flair Lounge mes. Ora e fechanan ta serka ta pone algun training èkstra. E shownan ta garantisá riba nivel ku tur hende a kustumbrá di Danny Yanga. Tantu e preis di entrada pa e shownan komo bebida ta na un realmente bon preis, i pasapalu ta on the house. Pues mayornan ban duna e muchanan un gran oportunidat pa presentá den un bunita show. Yama awe mes pa mas informashon.