Renaissance Aruba cu un autentico  ‘Thai Pop-up Restaurant’

ORANJESTAD – November – Renaissance Aruba ta lagabo cera conoci cu un mundo culinario exotico. Pa un tempo limita, solamente 2 dia, Renaissance Aruba lo transforma ex Carpe Diem – situa dilanti Renaissance Mall den un ‘pop-up’ Restaurant. ‘Soi Thai’ ta priminti di bira algo espectacular cu sabornan exotico di Thailand; Chef Bumi Rash, e sous chef nobo cu recientemente a join e team culinario di Renaissance, specialisa den eastern cuisine lo percura p’abo cera conoci cu Thailand, aki na Aruba mes!

Renaissance Aruba a encarga Chef Bumi Rash, directamente for di India, pa crea un menu ‘Thai’ y presenta e mihor sabornan di mundo. ‘Soi Thai’ lo ta un pop-up restaurant cu lo tey pa un tempo limita. Diabierna november 4 y diasabra november 5, entre 11AM i 11PM pa lunch y dinner. Ex Carpe Diem restaurant lo bira un restaurant Taiwanes ofreciendo un menu extenso cu sabornan y ingredientenan manera Lamungras, basilicum Taiwanes y un mescla di pinda y bourbon. Por cuminsa disfruta na ‘Soi Thai’ for di $5 ya caba y lo varia te cu $20.

Bini hunto cu famia y amistadnan pa disfruta di platonan manera Nuea Satay cu ta ‘marinated beef skewers’, Som Tam Salad cu ta ‘Jullienne of green papaya with crushed peanuts’ of e Pad Thai cu ta ‘Stir fried rice noodles with chicken and veggies’. E menu extenso ta varia for di aperitivo, salada, sopi, plato principal y tambe e seccion di dessert.

Aruba ta keda cordialmente invita pa disfruta di platonan y cocktailsnan autentico di Thailand. Pa mas informacion por tuma contacto cu 5236115 of bishita Renaissance su pagina di Facebook, www.facebook.com/RenaissanceAruba/events.