Willemstad, – 7 di sèptèmber 2016 Fundashon Alton Paas a kumpli 4 aña. Un temporada di triunfo i tambe retonan ku ta konfirmá e difikultatnan pa un hende ku dwarslaesie por partisipá aktivo den komunidat. Sin embargo mester rekonosé i selebrá e konsistensha i logronan ku ta duna speransa ku tin un futuro briyante.

Sèptèmber tabata e inisio di un temporada hopi aktivo di Fundashon Alton Paas. Atenshon na  Dia Internashonal di Dwarslaesie. Komienso di e programa di televishon na Telecuracao i CBA. Miembresia pa hasi ehersisio na e lokalidat adaptá na Colon di Fundashon Alton Paas. Un di e kosnan ku tambe ta signifikante den luna di òktober ta un kombersashon ku Niek Van Den Adel kual ta un persona ku dwarslaesie nase i biba na Hulanda ku tabata na Kòrsou di bishita i ku pa medio di Dolphin Suites por a yega na un sita pa papia tokante di posibel kolaborashon den futuro.

Algu otro ku tambe tabata signifikante den luna di òktober ta bishita di Aksel Cijntje ku su Fundashon You Are A Hero,  kompaña pa 8 otro atleta profeshonal na e lokalidat di Fundashon. Tambe personanan ku dwarslaesie na Kòrsou a keda invitá pa por a presensia un klínika di ‘handbiking’ ku ta un deporte profeshonal den eksterior ku por keda práktika riba nivel haltu. Aksel Cijntje ta un persona ku dwarslaesie, yu di Kòrsou na Hulanda, ku tambe su pashon ta pa yuda hendenan den ròlstul pa práktika deporte i spesialmente ‘handbiking’.

Tabata un momentu motivante ku hendenan lokal ku dwarslaesie por a subi e ‘handbike’nan profeshonal i tira un rònchi na parkeerplaats di SDK. Despues atardi tabata tin un enkuentro den Punda pa kombersá i interkambiá ku otro. Hopi ta reakshonnan positivo pa mira un grupo di hende den ròlstul kore den sentro di suidat i mustra ku nan tambe tei.

Netamente p’esei Fundashon Alton Paas ta mira e importansia pa sigui ku e trabou. Sigui mustra kiko ta posibel i krea mas kolaborashon i kontakto pa nos yega na un futuro sin limitashon. Dor di e impakto di loke Fundashon Alton Paas a bin ta eksperensiando nos ta premirá ku e siguiente ‘Fitness Challenge’ dia 15 di yanüari lo sirbi pa un propósito hopi mas grandi ku simplemente rekoudá fondo. Nos ta bai inspirá rònt Kòrsou