10% riba tur modelo den stòk

WILLEMSTAD- Òktober- 2016:  Banco di Caribe ta invitá tur ku ta deseá di drenta aña nobo ku un outo nobo, pa akudí djasabra awor dia 29 di òktober na showroom di Autocity na Saliña. Bishitá e ‘October Super Sale’ entre 9’or di mainta i 2’or di atardi i probechá di 10% riba tur modèlo di outo den stòk.

Durante di e outoshow lo tin diferente modelo di outo marka Honda, Chevrolet i Suzuki ku sigur lo hala atenshon. Un di e modelonan ta e Suzuki Ciaz Sedan, un outo super moderno, mashá ekonómiko na gasolin, ku un motor di 1.4 liter i 4 silinder. Ademas, e ta ekipá ku ‘back-up camera’, ‘parking sensor’, èrko apart pa asiento patras i stulnan furá ku kueru kombiná ku tela. Otro outo balelapena pa menshoná ta e Chevrolet Trax, un outo ku motor 1.8 Liter i 4 silinder, ful ekipá ku radio ‘touchscreen’. E Chevy Trax ta e mihó ‘Crossover Utility Vehicle’ (CUV) riba merkado aktualmente.

Durante di e outoshow, Banco di Caribe lo ofresé posibilidat di finansiamentu te un máksimo di 7 aña. Tur ku ta deseá di kumpra un outo nobo djasabra i ta deseá un pre-aprobashon ‘on the spòt’ lo mester trese e último 2 slepnan di salario, identifikashon bálido i deklarashon di doño di trabou. Den kaso ku e kliente no tin un kuenta di Banco di Caribe ainda, mester trese e dos último estadonan di kuenta tambe.