ORANJESTAD, OCTOBER 2016: Tur e scolnan participante den Good4theNeighborhood 2016 a drenta e fase di ehecutacion di nan propuesta. Despues di simannan di preparacion y brainstorming pa asina completa nan propuesta cu tur e rekisitonan di nan plan, awor tur e scolnan ta den preparación pa ehecuta locual cu nan a presenta.

Aruba Bank ta sumamente orguyoso di e plannan ambicioso, sumamente creativo y deportivo cu a wordo entrega. Ibero American Highschool lo traha un ‘Recreation –and Sport Platform’ na nan scol unda esaki lo por wordo usa pa studiantenan , maestronan, mayornan y otro miembronan di nos communidad pa recreacion, deporte, education físico. Maria College Mavo ta enfoca riba personan cu limitación.  E reto di nan projecto ta pa pone e grupo aki di nos comunidad hasi actividad físico, y asina nan tambe por gosa di e beneficionan di biba un bida mas activo den e “Fitness Circuit” cu lo wordo crea pa nan.

Colegio San Antonio lo introduci ‘The Actively Dushi App’ conhuntamente cu un jingle pa educa nos comunidad riba e tópico di actividad físico. Y tambe nan lo organisa 6 actividad y lo wordo culmina cu un scavenger hunt. Colegio San Nicolas lo organisa un ‘Col San Nature Adventure Walk’ cu lo ta un evento anual unda ta duna tur participante e oportunidad pa experiencia lugarnan den bunita di nos naturalesa combina cu varios actividad. Filomena College Mavo ta organizando 3 dia di actividad físico pa bario di Savaneta te cu San Nicolas, unda nan meta principal ta pa educa y motiva e personan di bario y nan propio scol pa biba un vida mas saludabel. E scolnan tin un periodo di 4 siman pa ehecuta nan projecto cu ta conta cu e sosten di Aruba Bank y cu ta enfoca riba actividad fisico den nos comunidad.