Ainda por inskribí pa 3×3 Streetball Curaçao
FDDK, apuntá ofisialmente dor di IBF, International Basketball Foundation pa organisá 3×3 na Kòrsou, ta organisá 3×3 Streetball Curaçao wikènt aki, pa ta mas eksakto djabièrnè 28 i djasabra 29 di òktober den Sala Niels Liberia na Stadion Odulio Willems, Suffisant. E evento aki ta e promé “National 3×3 Hoops Qualifiers” pa hóbennan di 15 pa 17 aña aki na Kòrsou E tim ku gana, lo representá Kòrsou na “Antilles IBF 3×3 Hoops Final”, kua e aña aki lo tuma lugá na St. Lucia! Tur hoben nasé entre 1999 i 2001 ku ta gusta basketbòl por forma su tim di 4 persona i inskribí via di www.3x3planet.com. Inskripshon ta fl. 50,- pa tim. Timnan mester ta uniformá i ku number. Por inskribí te ku dia 23 di òktober!
Kon pa inskribí?:
- Bairiba 3x3planet.com
- Traha un account (bo tin dos opshon pa traha un account, “create account” (bo mester yena tur kos) òf “create account with facebook” (e ta wòrdu yená via di bo facebook)
- Klik riba events òf find events
- Search riba pais “Curaçao” òf “ 3×3 Streetball Curacao”
- Primi register
- Yena informashonnan pidí
Banda di e kompetensha pa nos hóbennan, lo tin un ‘celebrity contest’ ku diferente hende konosí den nos komunidat i tambe skills contest, 3 point contest i dunk contest na kua públiko por partisipá. Mas ku klaro, lo tin animashon di dj Ramil i Mc Cris Strick. Pa mas informashon, por tene kontakto ku Naïsha Santiago na 3×3@fddk.cw, 888-1692 òf 565-3335! Mas ku klaro por chèk e página di Facebook: www.facebook.com/3x3StreetballCuracao.