ORANJESTAD, Aruba – 12 di october 2016: Diabierna ultimo comunidad di Aruba a uni na e CHILL: The Street Concert, cual a tuma luga den curason di San Nicolas, na e parada principal di bus. A conta cu banda y artistanan local y internacional, esta Cache Royale, Gentz, Buleria, Tsunami y Jeon, como tambe e DJnan di taya, Nutzbeatz, DJ Vibes Y MC Oz. Tanto e parti general, como e seccion di VIP tabata yen y a reina un ambiente excelente.

Tropical Bottling Company tabata entre e sponsornan principal di e concierto, presentando nan productonan manera Balashi, Chill, Grey Goose y Dewar’s.  Comunidad di Aruba a gosa di un tremendo fiesta, gosando di algun di e miho bandanan y DJnan te den oranan laat di anochi.