For di october 3-7 lo celebra Customer Appreciation Week

ORANJESTAD, Aruba – 3 october 2016: ‘Customer Appreciation Week’ ta wordo celebra internationalmente durante e prome siman di October. Durante di varios aña Aruba Bank ta pone enfoce riba e siman aki, pa demostra extra gratitud na tur cliente.

For di dialuna 3 di october te cu diabierna 7 di october, clientenan cu ta bishita Aruba Bank lo haña nan treat special en coneccion cu e “customer appreciation week”. Ademas, e fansnan cu ta sigi Aruba Bank ariba Facebook en particular lo tin e oportunidad pa gana premio ora nan participa ariba e quiz di dia. Lo tin hopi sorpresa tambe den branches pa nos clientenan.

Pa Aruba Bank tur dia ta dia di bisa ‘Danki’ y lo intensifica esaki cu un gesto special cu un siman di celebracion. Aruba Bank ta bisa danki na comunidad un biaha mas pa e aporte, y lealtad cu pa añanan ta haci uzo di Aruba Bank su servicionan bancario.

Ademas Aruba Bank ta gradici tur su empleadonan pa nan servicio excepcional tur dia.  Aruba Bank ta invita tur cliente pa bishita su branchnan durante e siman aki.