Blue Bay Curacao Baseball Week a hasi un donashon por lo menos U$D 17.312,50 (31.162,50 florin Antiano) na Curaçao Baseball Development Foundation (CBDF). E donashon aki ta bini di anochi di komementu i findishi di CBW ku a tuma luga na desémber 2015. CBDF lo huza e montante risibí pa hasi e temporada binidero di liga RBI posibel i pa partisipa ku dos selekshon den e kompetensha regional na Santo Domingo den 2017.

Anochi di findishi

Durante di e evento di beisòl anuál di más grandi na Korsou a tuma luga e ‘auction diner’ pa un bon kousa kaminda varios ‘basebal collectors items’ i tambe artikulonan ku no ta di beisbòl a wordu subastá: bálanan firmá, bate di beisbòl, wante i t-shirt di entro otro Jones, Balentien, Gregorius, Schoop i Profar. Tambe artikulonan ku no ta di beisbòl manera entre otro e rèket di tènis firmá di Jean-Julien Rojer, sapatu di futbòl firmá di Patrick Kluivert i un uniform di Feyenoord firmá.

Al final e finidishi a produsí U$D 34.625,- (62.325 florin Antiano), i mitar di e sen a bai pa CBDF. E otro parti U$D 17.312,50 a wordu huza pa hasi otro donashonan , manera: bate di beisbòl nobo pa St. Michiel Sharks, uniform nobo pa e ekipo nashonal di Korsou, pa sponsor Curacao Neptunes Rotterdam i naturalmente pa realisá  e MLB Kids Trip na Miami di luna pasá.

Curaçao Baseball Devolpment Foundation

‘Na number di e direktiva di CBDF nos ke yama Curacao Baseball Week I Blue Bay masha danki pa e donashon aki.

E kontribuíshon aki lo yuda nos enormemente ku e desaroyo di nos hubentud a traves di e doporte di beisbòl. Ademas nos ta spera di kurason ku e inisiativa uniko di CBW lo sigura su eksistensha pa asina sigi promové e deporte, e isla i pa trese union.’ Sigun Lipo Elhage, presidente di Curaçao Baseball Devolpment Foundation.

CBW

‘Ademas di tur aktividad di beisbòl durante e CBW, kolektá fondo pa un bon kousa ta para sentral den e konsepto total for di e prome edishon den 2013.  Pa sostene e deporte di beisbòl lokal más tantu posibel, kada aña ta traha un plan di direkshon huntu ku ko-organisdor Hensley Meulens pa realisá e donashonan. Na nomber di e organisashon di CBW nos ta yuda e relativamente yòn CBDF gustosamente pa alkansá nan metanan ku bista riba desaroyo di talento riba Korsou i nos ta para tras di e eksito di i pa Korsou’, sigun Vincent Zrour, na nomber di Curacao Baseball Week.

Curacao Baseball Week 2016 lo tuma luga di 25 di novèmber te ku 2 di desèmber 2016. E aña aki e organisador di CBW Blue Bay lo tin algun sorpresa intresante na kaminda i muy pronto lo publiká esaki.