A lansa TOYOTA TRADE-ATHON durante Aruba Bank Mega Match Car Sale Event. Booth di Garage Cordia esun cu mas cache y miho bishita diasabra
ORANJESTAD, Aruba – September 2016: Cu tarifanan reduci specialmente pa e evento anual aki, Garage Cordia Aruba a keda masha contento cu e atencion grandi cu publico a duna na e marca di auto mas popular y cu a bende mas den historia di auto riba nos isla, esta Toyota. Y den e interes special aki, a resalta e peticion pa e modelo TOYOTA Yaris y e SUV conoci como TOYOTA RAV4, aunke no por laga un banda e peticionnan pa test e pickup TOYOTA Hilux.
“Nos a reduci e tarifanan specialmente pa e evento, specialmente pa por “match” e presupuesto di cada cumprado en especial e biaha aki e tan gusta TOYOTA YARIS cu ya di 1999 ta riba mercado. Y claro e oferta a bira hopi miho si agrega tur e beneficionan cu Aruba Bank a ofrece den su fiansa”, asina Vanessa Hollander di Garage Cordia Aruba a duna di conoce. Aparte di esaki nos ta lanza pa prome biaha na Garage Cordia TOYOTA TRADE-ATHON cu dealnan super atractivo ofrese na tur persona cu tin un TOYOTA di te hasta 10 ana biew, pa cambia nan TOYOTA existente pa un TOYOTA nobis nobis, cu un balor mas halto cu normal!
Garage Cordia ainda ta den pleno celebracion di 50 aña di existencia na Aruba y na mes momento siendo e agencia lider den ofrece autonan di marca renombra, di semper tin e stock di piesa mas grandi disponibel y cu un departamento di servicio inigualabel. No ta pornada cu Toyota ta keda e auto mas bendi den historia di auto na Aruba, unda bo bira un Toyota bo ta mira.
E campaña di Aruba Bank ta sigui e siman aki ainda, den cual por bishita e showroom di Garage Cordia na Camacuri pa testdrive bo auto nobo y ainda probecha di e ofertanan super special di prijs y bentaha di fiansa, manera cumpra bo auto awo y cuminsa paga te despues di carnaval otro aña en combinacion cu e TOYOTA TRADE-ATHON.
Claro cu mayoria hende buscando un auto economico a scoge pa e Toyota Yaris, cu e fiansa reduci di Aruba Bank, lo por permiti bo paga solamente Afl. 707,= pa luna.