Amantenan di Baseball atenshon:
TDS e úniko kompania di TV Paga ku tin derechonan di Major League Baseball na tantu Kòrsou, Aruba i Boneiru, un biaha mas ta duna su klientenan e oportunidat di bai eksperensia kiko ta weganan di World Series. Asina mes, temporada di Baseball ta den full swing i abo amante di baseball liga grandi no por sinta ni por para pa sa ta ken lo enfrentá ken den World Series 2016.
TDS e aña aki un biaha mas ta brinda 1 kliente e oportunidat di bai ku 1 persona mas pa eksperensia kiko ta weganan 3 – 4 i 5 di World Series 2016. Kiko e klientenan mester hasi pa partisipá? E aña aki pa promé biaha TDS ta brinda tur amante di MLB Extra Inning e oportunidat di tuma nan pakete i paga esaki den 12 luna. Pues asina suavisá e montante ku ta kobra mayoria biaha den 2 , 4 òf 6 luna i partié den 12 luna. Pues pagando ANG25.00 pa luna den 12 luna bo tin bo pakete pa mira tur 16 kanal di baseball den 2017. Pa insentivá e kliente p’e hasi uso di e spesial aki, TDS ta entrega tur kliente ku hasi uso di e spesial aki un lòt ku e kliente ta mira e reglanan di kampaña ariba i ta firma pa ku esaki i tira e los aki den buzon.
Algun regla di kampaña ku ta mas importante ta, ku kliente no por tin saldo habri, kliente mester a paga su promé luna kaba di MLB 2017, kliente mester tin su pasport vigente pa mínimo 6 luna mas i kliente mester biaha si e wòrdu selekshoná komo ganador. Asina fásil bo ta partisipá na e premio aki. Dimes tin mas regla di kampaña ku tur kliente ta risibí na momentu di partisipá. Pues lesa esakinan bon paso ta durante wega 1 di World Series ta saka e Ganador pa bai World Series 2016 weganan 3 4 i posibel 5 si esaki tuma lugá. Pues bo mester ta praktikamente kla paketá pa subi avion.
Pa tur informashon por yama 9242 pero pa partisipá mester bai na TDS Vinik Plasa. Pa partisipá na e kampaña aki e kliente mester kumpli ku tur regla di kampaña i solamente por partisipá si e tuma e pakete di MLB den luna di Sèptèmber 2016. Bo tambe ke bai World Series 2016? Awèl hasi lihé i bai TDS Vinik Plasa pa bo por partisipá. TDS un biaha mas ta mustra pueblo ku e ta i lo keda Esun Di Nos!