Como un di e fiel sostenedonan di Special Olympics

ORANJESTAD, Aruba 5 di September 2016:  Un biaha mas di un forma exitoso Digicel Aruba ta masha orguyoso di por a bira parti di un tremendo iniciativa. Ta trata di e “Olympic Torch Run” cual tabata tin como meta recauda fondo pa material y cubrimento di gastonan di e fundacion Special Olympics Aruba.

E “Olympic Torch Run” a tuma lugar riba diasabra 27 di Augustus atardi y hunto cu e partnernan, esta Tribike, Radio Shack y IBISA a logra un evento unico. A conta mas di 350 participante, kendenan cu hopi animo e cana of core full e ruta.

Un di e participantenan tabata Polis Coffie. El a core cu e torch den su man y kende a percura pa e torch yega te na e “finish line”. Atletanan special, mayornan, trainernan, amigonan deportista a sa di brinda un tremendo sosten na e actividad aki cual tabata consisti di un Torch Run di 5 kilometer cu a inicia na Tony Roma’s. Na final e participantenan por a fresca nan curpa cu entre otro apelsina, bacoba, apel y patia provee door di Sra. Netty. Tambe tabata tin awa y Gatorade. Digicel ta hopi orguyoso di por ta un partner incondicional pa e fundacion di Special Olympics for di cuminzamento di e operacion di e compania aki na Aruba.

Ora ta trata di duna nan sosten pa contribui cu fondonan, Digicel semper tabata tey y lo tey pa nos atletanan special.   Pesey Digicel kier expresa palabranan di danki na comunidad pa e sosten pa cu e evento aki. Solamente cu e sosten aki lo por sigui apoya y mira nos atletanan sigui triunfa.