ORANJESTAD, Aruba – September 2016:  Anualmente Aruba Bank, como muestra di aprecio, ta celebra Dia di Prensa den compania di miembronan di prensa local. E aña aki,  pa celebra y gradici e trabao cu prensa Arubiano ta haci tur dia, Aruba Bank a organisa un “Thank You” event na Villa Floralina.

Durante di un celebracion ameno a la “Western”, Departamento di Mercadeo & Relacionnan Publico, miembronan di gerencia di Aruba Bank, y representantenan di nos medionan di comunicacion, a comparti y disfruta di diferente wega, incluyendo Seso Sport “Hersengymnastiek” cu premionan atractivo como “Reward”.

E miembronan di prensa por a saca un potret personaliza y hiba esaki cas como recuerdo di e tremendo dia aki. Aruba Bank  a scohe pa expresa nan gratitud na un y tur cu ta realisa e trabou exigente y importante di mantene nos comunidad informa tur dia. A yama prensa danki pa e sosten cu semper Aruba Bank a ricibi di tur medio di comunicacion di nos isla y pa e bon colaboracion ricibi.