ORANJESTAD, Augustus 2016 – ARUBA: Aruba Bank conhuntamente cu Setar ta orguyoso di a sostene ATIA durante di e prome lustro di su Women in Leadrship Conference 2016. E aña aki ATIA a host Gina Harden, Diretora Ejecutivo di Women Mentoring Women- Christian Life Coaching Service for Women, Nathaly Cabrera,  un life coach y un profesional certifica riba tereno di recurso humano, y lidernan femenino y profesionalnan local cu conoce e mercado laboral y corporativo na Aruba.

Sra. Gina Habibe-Arendsz, Directora Ehecutivo di Corporate Banking di Aruba Bank, a accentua e rol di e hende muher atraves di historia y a encurasha e hende muhernan presente pa ta lidernan den nan ramo y pa usa nan sabiduria colectivo pa hasi di nos bida, di nos talentonan, di nos experiencianan lo maximo cu nos por. Den otro palabra kere den nos propio poder!

Christel Croes, training manager di SETAR a enfatisa e importancia di educacion, inovacion y re inventa su mes di hende muher den trabounan awendia riba tereno di telecomunicacion. Christel Croes tambe a menciona varios ehempel manera Michelle Obama, Oprah Winfrey y algun local mes manera Ella Tromp Yarzagaray y Lisette Malmberg. Un ehempel particular cu Croes a menciona como su favorito ta Madonna. Un artista feminino cu a demonstration di ta re-inventa su mes continuamente, cu ta brasa cambio, technologia continuamente.

Den SETAR e cantidad di Hende muhernan a aumenta desde 2003 di 103 pa 162. Aunke cu technologia na SETAR ta domina pa hende homber, e departamentonan comercial y creativo ta domina pa hende nan muhernan professional cu hopi passion pa nan trabou. Pero e definicion di un role model ta un persona cu ta ofrece un ehempel pa sigui.  Rolemodelnan por cambia percepcion di hende. E role model ta mustra seguridad den su mes y ta trece luz den e mundo.

Tanto Aruba Bank como Setar ta sostene e celebracion di e poder individual di hende muhernan y e diversidad di e comunidad cu nan ta forma.  Ambos compania ta honra pa a patrosina e conferencia y ta mira bek ariba un evento inspiracional, y un plataforma ideal pa forma relacionnan duradero.